6/8/2011 11:01:07 AM
குப்பத்து சிறுவர்களுக்கு இயக்குனர் பாண்டிராஜ் நடிப்பு பயிற்சி அளித்து வருகிறார்.'பசங்க', 'வம்சம்' படங்களை இயக்கியவர் பாண்டிராஜ். அடுத்து சென்னையை கதைக் களமாக கொண்ட படத்தை இயக்க இருக்கிறார். இதற்காக சென்னையில் உள்ள குப்பங்களிலிருந்து 12 முதல் 9 வயது வரையிலான 10 சிறுவர்களை தேர்ந்தெடுத்து தினமும் நடிப்பு பயிற்சி அளித்து வருகிறார். இதுகுறித்து அவர் கூறியதாவது: அடுத்து இயக்கப் போகும் படத்துக்கு இன்னும் பெயர் வைக்கவில்லை. நகர்புறத்து மக்களின் யதார்த்த வாழ்க்கையை சொல்லும் படமாக இது இருக்கும். இதற்காக சிறுவர்களுக்கு நடிப்பு பயிற்சி அளித்து வருகிறேன். 'பசங்க' போன்று குழந்தைகளின் படமல்ல. அவர்களின் பங்கு ஒரு பகுதி இருக்கும். இதுதவிர கதை நடக்க இருக்கும் சென்னை கடற்கரை, மீனவர் குப்பம், கடற்கரை, துறைமுகம் போன்ற பகுதிகளுக்கு இரவிலும், பகலிலும் உதவியாளர்களுடன் சென்று அங்கு நடப்பவற்றை ஆய்வு செய்து வருகிறேன். அதன் அடிப்படையிலேயே காட்சிகள் அமைக்க இருக்கிறேன்.