ஸ்ரீகாந்த் படத்திற்கு ஏ.ஆர்.ரகுமான் இசை அமைக்கிறார்!
6/8/2011 10:57:59 AM
6/8/2011 10:57:59 AM
ஸ்ரீகாந்த்திற்கு தற்போது நல்ல காலம் பிறந்திருக்கிறது போல, ஷங்கரின் இயக்கத்தில் ‘நண்பன்’ படத்தில் வரும் ஸ்ரீகாந்த்திற்கு அடுத்த பெரிய படங்கள் கிடைத்துள்ளன. தமிழில் 'இதயம்', 'உழவன்', 'காதலர் தினம்', 'காதல் தேசம்', 'காதல் வைரஸ்' படங்களை இயக்கியவர் கதிர். ஏழு வருட இடைவெளிக்குப் பிறகு அவர் இயக்கும் படம், 'கோடை விடுமுறை'. மீடியா இனிபினிட் வழங்க சவுண்ட் அண்ட் லைட் நிறுவனம் தயாரிக்கும் இதில் ஸ்ரீகாந்த் ஹீரோவாக நடிக்கிறார். மற்ற நட்சத்திரங்கள் தேர்வு நடந்து வருகிறது. ஏ.ஆர்.ரகுமான் இசை அமைக்கிறார். வாலி பாடல்கள். வேல்ராஜ் ஒளிப்பதிவு செய்கிறார். இதன் தொடக்க விழா சென்னையில் நேற்றுமுன்தினம் நடந்தது. அமீர், சேரன், வெற்றிமாறன், ஜனநாதன் உட்பட பலர் கலந்துகொண்டனர்.