நடிகர் ஷக்திக்கு அக்.31ல் திருமணம்!
6/8/2011 12:52:35 PM
6/8/2011 12:52:35 PM
இயக்குனர் பி.வாசுவின் மூத்த மகன், ஷக்தி. பல படங்களில் குழந்தை நட்சத்திரமாக நடித்துள்ள இவர், 'தொட்டால் பூ மலரும்' படத்தில் ஹீரோவாக அறிமுகமானார். தொடர்ந்து 'மகேஷ் சரண்யா மற்றும் பலர்', 'நினைத்தாலே இனிக்கும்', 'ஆட்ட நாயகன்' படங்களில் ஹீரோவாக நடித்தார். ஷக்திக்கும், சென்னையை சேர்ந்த ஸ்மிருதிக்கும் பெற்றோர்களால் திருமணம் நிச்சயிக்கப்பட்டது. சென்னை யில் உள்ள அடையாறு பார்க் ஷெராட்டன் ஓட்டலில், நிச்சயதார்த்தம் நேற்று காலை நடந்தது. பிரபு, சத்யராஜ், விஜயகுமார், மஞ்சுளா, சிபிராஜ், கார்த்தி உட்பட பலர் கலந்து கொண்டனர். ஷக்தி ஸ்மிருதி திருமணம் அக்டோபர் 31ம் தேதி, சென்னை எம்.ஆர்.சி நகரிலுள்ள மேயர் ராமநாதன் செட்டியார் திருமண மண்டபத்தில் நடைபெறுகிறது.